Schepenakte - Godart Vrient soen wilen Arnt Vrients was heeft overgegeven etc. Janne Meyssen soen van Werdingen was inden name ende tot behoef der stat van Helmont alle alsulken erfenisse alse wilen sijn vader voirs. liggende hadde e.z. erf Mechtelden van Gasselt wilen was a.z. wilen Jan Sissien was dair die stat van Helmont haer vesten graften ende walle aff gemact hebben, welc erfenisse Godart verstorven is van doiden sijns vaders ende synre mede erfgenaemen als hij seide - itemnoch een gedeelt van sijnre erve dat nu tot eenre straten liggende is voir sijn huys ende hof dat gelegen is e.z. erfgenamen Corstken Gobbelkens a.z. een water geheyten den ameyde ende te weren uytgenommen sheren tijns van den gronde behaudeliken dies soe wes die stat van Helmont aen die yrstgenoemde erfenissen teynden aff gegraven heeft dair en wil die voirs. Godart en gheen gulde oft betalinge aff hebben want sijn gebuer dair en gheen aff en hebben ende Godart heeft oic quyt gesconden die stat van Helmont van alre compositie ende vorwerde ende allen affterstede dair aff die die voirs. wilen sijn vader metten voirs. stat gemact hadde gelovende etc. Arnt Peter Meeus soen - schepen W. Eyndhouts - schepen 21 maart 1427, 1420/1429